recent
أخبار ساخنة

وليه لأ إجعلها أسلوب حياة/وطني نيوز

نائب رئيس القسم الادبي هند خطاب
كتبت/دكتورة فاطمه محمود 

قول لا لمنطقة الراحه والوسط 
وللأمان الزائف اللي محيط بحياتك 
وقول نعم للتجربه 

لن تعيش حياتك مائة مرة 
الطريق الوسط الدبلوماسي لا يوصل لأي طريق
هو وسيلة فقط للبقاء في منطقة الأمان والراحه 
وليه لأ  
التجربه وعدم الخوف من النتيجة وحساب المكسب
والعائد من نتيجة أي تجربة 
من الآخر إحنا ثقافتنا دايماً سببيه
بنذاكر عشان ننجح وبنعبد ربنا عشان ندخل  الجنه
وبنحب عشان العلاقه عباره عن آلات مستهلكه 

والعمليه كامله تقوم على الإنسيابيه في الفكر 
ومرونه في الإدراك والإستمرار علي نفس الموجه وتركيز الوقت والجهد لفتره حتي تصبح متحكم في التجارب 

هقولكم علي مثال حي أنا كنت انسانه نمطيه جداً في الأكل
وصعب جداً اجرب أكل جديد 
وده كان لوقت قريب ومع التجربه وقلت ليه لأ 
أنا منبهره حاليا لانى بأكل اكلات كانت بالنسبه لى غريبه ومش ممكن هاجربها حتي 
ده مثال بسيط ولكن تقدر تُسقط عليه أي تجربه طيب
ليه لأ متجرب 
لو قلت لشخص مُحافظ وملتزم شويه نطلع مصيف هيقول إحنا مش بتوع الكلام ده طيب
ليه لأ متجرب 
تعالى نلعب إستميشن هيقول متخليها شطرنج وهكذا 

والله صدقني فيه بلاد وشعوب وحضارات  وإكتشافات إتكتبت في التاريخ عشان بس أصحابها قالوا ليه لأ إيه المشكله لما أجرب  
ركزوا معايا كده 
أغلب التجارب والحاجات اللي قلت مش أنا 
وخفت من التجربه وتراجعت تقريباً هي أهم حاجات أنت محتاجها تغير حياتك وأبسطها وبعدين هتلاقي ليها فايده 
في حياتك بعد كده 

كورس إتعلمته 
رياضه أتقنتها 
علاقة جيده بنيتها 
لمجرد التجربه وتنمية نفسك بدون سبب 

هتلاقي الدنيا فتحت لك أبوابها 
وهتستغرب أن الحاجه دي أصبح ليها لزوم 

ليه يا عزيزى القارئ 
لأنك توافقت مع الوفره المطلقه 
التي صنع الله الكون علي أساسها  
هي الأصل في كل شيء 
أنظر بعمق وبصيره حولك في كل شيء 
دكتورة فاطمه محمود
author-img
نائب رئيس القسم الادبي هند خطاب

تعليقات

ليست هناك تعليقات
إرسال تعليق
    google-playkhamsatmostaqltradent
    close