recent
أخبار ساخنة

بين الرفض والقبول/وطني نيوز

نائب رئيس القسم الادبي هند خطاب

بين الرفض والقبول/وطني نيوز 
بقلم: دكتورة فاطمه محمود 

هأطلب منك عزيزى القارئ طلب من الممكن يكون صعب والكل هايقول ليه وازاى..... ايه رأيكم من النهاردة نبطل نرفض أى شىء فى حياتنا.

️احنا لازم نقتنع اننا فى اختبار فى الأرض وكل حاجة بتحصل لنا فيها بند من بنود الإختبار ده..وأنه مراحل.. 

فأى حاجة بتجيلك فى الإختبار ده رفضتها بيكون نتيجتها  أن كل المشاعر السلبية بتجيلك وتأثر على أحداث حياتك تبدأ بسيطة ثم تتفاقم ..فطبيعى هاتلاقى نفسك بتتصرف كل التصرفات اللى تزودها اكتر من غير ما تحس ولا إراديا..والمشاكل تزيد . 

عشان كده لازم الرفض ده تدرب  نفسك على تحويله وتقبُّله عشان تتحول المشاعر السلبية لإيجابية
ازاى؟؟ 

بانى أعَلِّى الوعى جوايا ان الشىء اللى رافضه ده ربنا بعتهولى بند من بنود الامتحان..طيب انا رافضه ليه..مهما كانت تحدياته ومخاوفى منه انا لازم أبقى قد الإمتحان وأعديه لأنى لو فضلت رافضه مش هاخلص منه أبدا 

يبقى أبقى ذكى و أتقبل الموضوع ..فأنا متقبل الامتحان  
عادى وتحدياته وهاعديه بنجاح. 

خللى بالك..المشاعر  السلبية او الموقف السلبى بيبقى اشارة من ربنا انك ماشى غلط ..اوعى تفتكر ان فى حاجة فى حياتنا بتحصل صدفة..كل حاجة محسوبة ..ولها معنى.. 

يبقى بدل ما ترفض الموقف تقبله وابحث انت فى ايه فى حياتك غلط وصلحه.لأن الضربة الأولانية بتكون خفيفة لكن بعد كده انذارات بتخليك كل مرة بتبقى أقوى فخللى بالك  والحق نقسك. 

انتبه..كل المشاعر السلبية والمرض والخوف و الألم والحزن كلها جاية من مشاعر رفض اساسا وبتنمو وتزيد بيها..أو بمعنى أصح بتتغذى عليها 

.
هاقولك معلومة ممكن تستغرب لها..انت عارف  ان علماء علم النفس أكتشفوا ان نسبة كبيرة من اسباب الكانسر هو نتيجة رفض شديد حصل لك فى الحياة وانت فيه لسنوات ومكبوت جواك.فتموت الخلايا نتيجة الكبت ده...قد يكون انفصال من شغل مثلا ومشكلة كبيرة حصلت أو رفض موت شخص غالى عليك وتفضل مصدوم وكاتم جواك..او مثلا رفض زوجة ان زوجها تزوج عليها او له علاقات مثلا فتكتم جواها الطاقات السلبية نتيجة الرفض والمفاجأة هنا  تلاقى العضو اللى حصل فيه الكانسر متعلق بالأنوثة زى الثدى أو الرحم مثلا 

مثال تانى..شخص حصلت له مصيبة جامدة صادمة فى المال والرزق وكتم جواه تلاقيه جاله الكانسر فى الكبد..وبرضه شدة الخوف من فقدان الأم ومن يمثلها زى الخالة او العمة مثلا يسبب الثعلبة..وكلها فى الآخر مشاعر سلبية مكبوتةوهو العلم المسمى بال(meta health) 

مثال تالت ..لو انت شاب او شابة حصل وجالك حبوب فى وجهك وفضلت كل ما تنظر فى المرآة تبقى رافض ومتضايق وناقم..عارف ايه اللى هايحصل؟؟هاتزيد..ولكن اذا تقبلتها فى هدوء وقلت انها هاتروح..هاتلاقيها اخدت وقتها الطبيعى وراحت فى وقت اقل بكتيييير ما هاتكون رافضها. 

جرب وطبق وشوف النتيجة .
دكتورة فاطمه محمود
author-img
نائب رئيس القسم الادبي هند خطاب

تعليقات

ليست هناك تعليقات
إرسال تعليق
    google-playkhamsatmostaqltradent
    close