recent
أخبار ساخنة

دواء الغربة مر/وطني نيوز

هند خطاب رئيس القسم الادبي ومساعد رئيس مجلس الإدارة

 دواء الغربة مر/وطني نيوز 
بقلم: فتحى موافى الجويلى   

 بتشكي ليه يا أماه وياريتك ما تبكيش
إيه إللي فيكي بيبكيكي
ما يكنش يا أماه جاسيه الدنيا عليكى
وحرماكي منا وإحنا حبابي عنيكي
يا أماه الغربة حرجانا ومشيلانا الهم
وخدانا بعيد وحرمانا من الأهل
ومش جايله لحد ومحملانا الغم
ما يكونش معندهاش جلب
طب راح فين من عروجها الدم
إتجمد ولا بجا زى بياض التلج
طمعتنا يا أماه وخدت منينا كل شي
ولهتنا وناستنا كل حي
ما تشكيش يا أماه وأنا فى الطريج جاي
وكل عجده ومعايا ليها حل
إدعيلي يا أماه بالستر خلى رجوعي يتم
واوعى فى يوم تدعى علي
وإياك طول ما أنا حى
تشيلى للدنيا هم
وخدى وإدينى شوية صبر
وإحرجيلي شوية حلف
وخرزة زرجا تزغلل العيون وتتلم
رجليا تعباني ويا أماه ما بجيتش شيلاني
مايكنش يا أماه عليا ندر
ولا كبرت فى السن بس راسي لسه ما شابتش
شوفت يا أماه حيلي جد إيه أتهد
ما يكنش ضعف
ما هي صحتي كمان على الجد
تعبت وبجيت مش جادر أشيل حد
يومين تلاتة ويكون الهلال هل
الملم خلاجاتي واخلص ورجاتي
واركب طيارتي
وتلاجيني جدامك واجف حي

ملحوظه هامه
 __أعزائى القراء الكرام
تلك القصيدة باللهجة العامية الصعيدية__
فتحى موافى الجويلى_

author-img
هند خطاب رئيس القسم الادبي ومساعد رئيس مجلس الإدارة

تعليقات

ليست هناك تعليقات
إرسال تعليق
    google-playkhamsatmostaqltradent
    close