recent
أخبار ساخنة

امير مرتضي:دايماً بنلعب في ظروف مستحيله / وطني نيوز

الصفحة الرئيسية
كتب: محمود ابراهيم الغاوي


صرح أمير مرتضى منصور عبر قناة اون تيم سبورت 
انا اتطمنت على فيريرا ، هو اتكعبل في الموكيت بتاع الملعب ، هي وقعه جامده شويه ولكنه كويس الحمد لله .

احنا دايماً بنلعب في ظروف مستحيله ، انت شوفت الدكه عامله ازاي ، عندنا ٣ لعيبه بس بخلاف حراس المرمى ، ولكن اللعيبه بتاعتنا رجاله واللعيبه اتحطت في مواقف اصعب والحمد لله توجوا بالدوري والكاس .

الزمالك هو الفريق الوحيد اللي معملش فتره اعداد ومخدش فتره راحه بسبب كاس لوسيل وماتشين ايليكت ، لعيبتنا الدوليه بتلعب شوط مع المنتخب وتيجي تلعب عندنا ، احنا مشتكناش قبل الماتش ولكن حاولنا حد يساعدنا والحمد لله اتحاد الكره تفهم وساعدنا .

اللي فيريرا طلبه تم واتنفذ بنسبه ١٠٠٪ ممكن في لعيب او ٢ رفاهيه زياده بنعملها عشان تحسباً لو في اصابات او حد راح كاس العالم واتشاف زي المثلوثي او الجزيري ولكن الصفقات الفنيه تمت بنسبه ١٠٠٪ 

ازمه سيف الجزيري ؟ مفيش ازمه دي ناس بتهزر وبتتكلم عن جهل ، الزمالك مضى عقد ثلاثي ايام اللجنه في قيمه اعاره وقيمه بيع نهائي وبند الشراء وحولنا الفلوس وكل الإجراءات سليمه مفيهاش حاجه . 

نادي الزمالك لو مكنش فعل بند الشراء كان هيرجع المقاولين تاني وده معناه انه مكنش لاعب حر ، ده موضوع منتكلمش فيه اصلا وبطمن الجمهور الزمالك مش عليه مشاكل .

كل اللي جالنا من الفيفا ان في نادي عاوز حق الرعايه والتنشئه وابعتوا العقد مترجم عشان نعرف قيمه الصفقه عشان ياخد نسبته ، القصه كلها عباره عن ٢٥ او ٣٠ الف يورو احنا اكبر اننا نتكلم في كده . 

فيريرا ادى اللعيبه اجازه وفي لعيبه هترجع يوم ٢٩ سبتمبر والجزء الاخر يوم ٣٠ سبتمبر .
google-playkhamsatmostaqltradent
close