recent
أخبار ساخنة

كلمة توصف احساسك بقلم د.فاطمه محمود/وطني نيوز


دكتورة فاطمه محمود 

هون على قلبك وخرج الناس السلبيه من حياتك ...من اكتر الاحاسيس المؤلمه الكتمان ومش اى كتمان ده كتمان الزعل ،،
انك تبقي زعلان وقلبك مكسور ودموعك مليانه في عينيك وانت مش قادر تتكلم ولا تحكى وتفضفض ، ولا حتى قادر تخلى دموعك تنزل حتى بينك وبين نفسك ، بيجيلك احساس هحكى ايه وهقول ايه ولمين وهيفيد بأيه ، وياترى اللى هحكيه هيتفهم؟ واللى هحكيله هيبقي مهتم فعلا يسمعنى؟ وهيبقي خايف عليا؟ ، هيحافظ على اللى هقوله ومش هيحكيه لحد ؟، هرتاح؟!
بتلاقي فجأه مفيش غير صوت عقلك وهو بيقولك اسكت محدش هيفرق معاه اى حاجه من دى ، انت بس اللى بيفرق معاك زعلهم بس هما لا فاسكت احسن بدل ما تحاول ويخذلوك وبدل ما تبقي زعلان وقلبك مكسور وبس لا تبقي مقهور وقلبك محروق من اللى هتحس بيه بعدها ...

فتلاقي نفسك مع الوقت ساكت ، معندكش قدره على الكلام لاأنت قادر تتكلم مع نفسك ولا قادر تتكلم مع حد ، وكل حاجه جواك مستسلمه للي هيحصل واللى ممكن يحصل ، ومفيش حاجه فارقه معاك ، ومش هتردد قصادهم غير كلمه واحده 
(عادي).الكلمه دى اسهل كلمه توصف احساسك واكتر كلمه هاتوجعك وانت بتقولها ....

هون على قلبك وخرج الناس السلبيه من حياتك ، فكر في نفسك وحبها قبل اى حد تانى ، مترفعش مستوى توقعاتك في اللى حواليك ...
دكتورة فاطمه محمود
google-playkhamsatmostaqltradent
close